قومی کرکٹرز اکمل برادران کے چھوٹے بھائی عدنان اکمل کے گھر چوری کی واردات

واردات میں چور گھر سے 7 لاکھ روپے سے زائد مالیت کےزیورات اورقیمتی سامان لےگئے، پولیس، فوٹو؛ فائل

---

قومی کرکٹرز اکمل برادران کے چھوٹے بھائی کرکٹر عدنان اکمل چوری کی واردات میں لاکھوں روپے مالیت کے زیورات اور قیمتی سامان سے محروم ہوگئے۔

ایکسپریس نیوز کے مطابق لاہور کے علاقے ڈیفنس میں ٹیسٹ کرکٹرعدنان اکمل کے گھر چوری کی واردات میں چور گھر سے 7 لاکھ روپے سے زائد مالیت کےزیورات اورقیمتی سامان لے گئے۔ پولیس کا کہنا ہے کہ عدنان اکمل کے اہل خانہ گھر سے باہر گئے ہوئے تھے اور چوروں نے خالی گھر کا فائدہ اٹھاتے ہوئے گھر سے قیمتی سامان غائب کردیا۔ پولیس نے واقعے کا مقدمہ درج کرکے چوروں کی تلاش شروع کردی ہے۔