سرب ٹینس اسٹار نووک جوکووک نے گذشتہ روزمیلبورن سٹی مشن ایجوکیشن پروگرام میں شامل بچوں کیساتھ کچھ وقت صرف کیا۔

اس موقع پر کھیلتے ہوئے وہ خود بھی ''بچہ'' بن گئے اور انھوں نے اپنی چیریٹی فاؤنڈیشن کی جانب سے 14 ہزار پاؤنڈ کا عطیہ بھی دیا۔ اس موقع پر جوکووک نے چند بچوں کو ٹینس کا ابتدائی سبق سکھایا، دریں اثنا انھوں نے کہا ٹینس میں نمبرون پوزیشن برقرار رکھنا بھوکے بھیڑیوں کے سامنے ڈٹے رہنے کے مترادف ہے۔ انھوں نے اتوار کو اینڈی مرے کو زیر کرکے آسٹریلین اوپن ٹائٹل اپنے نام کیا تھا۔