الیکشن کمیشن نے وحیدہ شاہ کی اپیل مسترد کرتے ہوئے انہیں دو برس کیلئے نااہل قراردے دیا۔
چیف الیکشن کمشنر فخرالدین جی ابراہیم نے وحیدہ شاہ کی جانب سے اپنی نااہلی کے خلاف دائر درخواست پر تحقیقات کے بعد ریٹرننگ آفیسر کے فیصلے کو برقرار رکھا ہے۔
گزشتہ برس 25 فروری کو سندھ اسمبلی کے حلقہ پی ایس 53 کے ضمنی انتخاب میں پیپلز پارٹی کی امیدوار وحیدہ شاہ نے پولنگ عملے کو تشدد کا نشانہ بنایا تھا جس پر ریٹرننگ آفیسر نے انہیں 2 برس کے لئے نااہل قراردے دیا تھا۔
واضح رہے کہ سندھ ہائیکورٹ نےوحیدہ شاہ کی نااہلی معطل کرتے ہوئے کہا تھا کہ کسی بھی امیدوار کو نااہل قرار دیئے جانے کا اختیارصرف چیف الیکشن کمشنر کو ہے۔