برما میں بےگھر مسلمانوں کو امداد کی ضرورت ہے سماجی کارکنان

سماجی کارکنوں کا کہنا ہے کہ کیمپوں میں مقیم مہاجرین میں امداد تقسیم کرنے کا کام جاری ہے تاہم ان کیمپوں میں بنیادی سہولتوں کا فقدان ہے. فوٹو: رائٹرز/ فائل

---

برما کے شورش زدہ علاقے میں کام کرنے والے سماجی اداروں نے کہا ہے کہ برما میں فسادات کے باعث بے گھر ہونے والے مسلمانوں کو امداد کی ضرورت ہے۔

سماجی اداروں کے کارکنان کا کہنا ہے کہ فسادات کے باعث بےگھر ہونے والے ایک لاکھ سے زائد روہنگیا مسلمان شدید بدحالی کا شکار ہیں۔

سماجی کارکنوں کا کہنا ہے کہ کیمپوں میں مقیم مہاجرین میں امداد تقسیم کرنے کا کام جاری ہے تاہم ان کیمپوں میں بنیادی سہولتوں کا فقدان ہے جس کے لئے انہیں مزید امداد کی ضرورت ہے۔

واضح رہے کہ برما کی ریاست رخائن میں رہنے والے بودھ اور روہنگیا مسلمانوں کے درمیان ہونے والے فسادات کے نیتجے میں اب تک سینکڑوں مسلمان جاں بحق جبکہ ہزاروں گھر نذرآتش کردیئے گئے ہیں جس کے باعث ایک لاکھ سے زائد بے گھر افراد نقل مکانی پر مجبور ہو گئے۔