کترینہ کی فلم کی کامیابی کے لیے درگاہ اجمیر شریف پر حاضری

باربی ڈول گزشتہ سال ریلیز ہونے والی فلم ’’فینٹم‘‘ کی ناکامی کے بعد نئی آنے والی فلم کی کامیابی کے کافی فکر مند ہیں، فوٹو:بشکریہ فلمی بیٹ

---

بالی ووڈ میں باربی ڈول کے نام سے مشہور اداکارہ کترینہ کیف نے اپنی نئی آنے والی فلم ''فتور'' کی کامیابی کے لیے خواجہ غریب نواز کی درگاہ اجمیر شریف پر حاضری دی۔

بالی ووڈ اداکارہ کترینہ کیف اپنے فلمی کیرئیر میں کئی بلاک بسٹر فلموں میں اداکاری کے جوہر دکھا چکی ہیں یہی وجہ ہے کہ ان کا شمار صف اول کی اداکاراؤں میں ہوتا ہے جب کہ گزشتہ سال ریلیز ہونے والی فلم ''فینٹم'' کی ناکامی کے بعد باربی ڈول نئی آنے والی فلم کی کامیابی کے کافی فکر مند ہیں جس کی کامیابی کے لیے انہوں نے اجمیر شریف کا رخ کیا ہے۔

کترینہ کیف اپنی نئی آنے والی فلم''فتور'' کی کامیابی کے لیے خواجہ غریب نواز ی درگاہ اجمیر شریف پہنچیں جہاں نے انہوں نے فلم کامیابی کے لیے دعا کی اور چادر چڑھائی جب کہ اداکارہ نے درگاہ پہنچنے کے لیے برقعہ بھی زیب تن کیا۔

واضح رہے کہ فلم''فتور'' میں اداکارہ کترینہ کیف اور اودتیا رائے کپور نے مرکزی کردار ادا کیا ہے جب کہ فلم 12 فروری کو ریلیز کی جائے گی۔