اسلام آباد میں میئراورڈپٹی میئرکےانتخابات ہائی کورٹ میں چیلنج

تحریک انصاف نے اسلام آباد میں میئراور ڈپٹی میئرکےانتخابات ہائی کورٹ میں چیلنج کردیے.


ایکسپریس نیوزکے مطابق اسلام آباد میں ڈپٹی میئر کے لئے تحریک انصاف کے امیدوارعلی نوازکی جانب سے دائر کی گئی درخواست میں وزارت قانون ،پارلیمانی امور، کابینہ ڈویژن کے سیکرٹریز کو فریق بنایا گیا ہے۔

درخواست میں موقف اختیارکیا گیا ہے کہ لوکل گورنمنٹ آرڈنینس میں ترمیم کرکے میئرکےساتھ ڈپٹی میئر کے مشترکہ انتخاب کے لئے قانون میں ترمیم کی گئی جو کہ بدنیتی پرمبنی ہے، اس لئے عدالت عالیہ سے درخواست ہے کہ میئر و ڈپٹی میئر کے الگ الگ انتخاب کا پرانا طریقہ کاربحال کیا جائے۔