نویں ایشیا یورپ سربراہ اجلاس سے خطاب کرتے ہوئے وزیراعظم راجہ پرویز اشرف نے کہا کہ افغانستان میں امن و امان کی بگڑتی صورتحال سے پورا خطہ متاثر ہو رہا ہے۔
ایکسپریس نیوز کے مطابق نویں ایشیا یورپ سربراہ اجلاس سے خطاب کرتے ہوئے وزیر اعظم راجہ پرویز اشرف نے کہا کہ دہشت گردی کے خلاف جنگ میں پاکستان کی قربانیوں کو تسلیم کرنا چاہئے اور مذاہب کے درمیان نفرت پھیلانے سے گریز کرنا چاہئے۔ انہوں نے کہا کہ ایشیائی اور یورپی ممالک ایک دوسرے کے تجربے سے فائدہ اٹھا سکتے ہیں۔
وزیراعظم نے کہا کہ ایشیا بے پناہ قدرتی وسائل سے مالال مال ہے،علاقائی ممالک کواپنے باہمی معاملات بات چیت سے حل کرنے چاہئیں۔
راجہ پرویز اشرف نے اپنے خطاب میں کہا کہ آسم تنظیم ایشیا اور پورپ کے درمیان رابطے میں اہم کردار ادا کرتی ہے اور پاکستان نے آسم تنظیم میں ہمیشہ اہم کردار ادا کیا ہے۔ انہوں نے بنگلادیش اور ناروے کو تنظیم کا رکن بننے پر مبارکباد بھی پیش کی۔