کراچی سے بہاولپور جانے والی قومی ایئر لائن کی پرواز طیارے کے انجن میں خرابی کے باعث سکھر ائرپورٹ پر اتار لی گئی جبکہ مسافروں کو منزل مقصود تک پہنچانے کے لئے آنے والا دوسرا طیارہ بھی خراب ہوگیا۔
ایکسپریس نیوز کے مطابق کراچی سے بہاولپور جانے والے پی آئی اے کی پرواز پی کے اے ٹی آر کے انجن میں خرابی کے باعث طیارے کو ہنگامی طور پر نوابشاہ ایئرپورٹ پر اتار لیا گیا۔ جہاز میں سوار 40 مسافروں کو بہاولپور پہنچانے کے لیے پی آئی اے کا خصوصی بوئنگ طیارہ کراچی سے نوابشاہ پہنچا، لیکن پرواز سے کچھ دیر قبل دوسرا طیارہ بھی خراب ہوگیا۔
قومی ایئر لائن کے عملے نے مسافروں کو لاؤنج میں بٹھا دیا۔ اب انہیں تیسرے طیارے کے ذریعے اپنی منزل مقصود تک پہنچایا جائے گا۔کئی گھنٹوں کے انتظار کے بعد عملے کی جانب سے باسی کھانا دینے پر مسافروں نے شدید احتجاج بھی کیا ۔