سعودی عرب میں محکمہ تعلیم کے دفتر پر فائرنگ سے 6 افراد ہلاک

حملہ آوروں کو گرفتار کرلیا گیا ہے تاہم ابھی فوری طورپر حملے کی وجہ معلوم نہیں ہوسکی، سعودی وزارت داخلہ، فوٹو؛فائل

---

سعودی عرب میں مسلح افراد نے محکمہ تعلیم کے دفتر پرفائرنگ کردی جس کے نتیجے میں 6 افراد ہلاک جب کہ 4 زخمی ہوگئے۔

غیر ملکی خبر رساں ادارے کے مطابق سعودی عرب کے جنوبی شہر جیزان میں واقع محکمہ تعلیم کے دفتر پر مسلح افراد نے حملہ کر دیا جس میں دفتر کے 6 ملازمین ہلاک اور 4 زخمی ہوگئے۔ سعودی حکام کا کہنا ہے کہ مسلح افراد نے اچانک دفتر میں داخل ہوکر فائرنگ شروع کردی تاہم سیکورٹی فورسز نے فوری کارروائی کرکے حملہ آوروں کو گرفتار کر لیا۔

سعودی وزارت داخلہ کے مطابق حملہ آوروں کو گرفتار کرلیا گیا ہے تاہم ابھی فوری طورپر حملے کی وجہ معلوم نہیں ہوسکی۔