تھر میں آج بھی 2 بچے دم توڑ گئے

رواں ماہ زندگی کی بازی ہارنے والے بچوں کی تعداد 29 ہو گئی ہے۔ فوٹو:فائل

---

SARGODHA: تھر میں آج بھی 6 ماہ کے بچے سمیت 2 افراد دم توڑ گئے جس کے بعد رواں ماہ زندگی کی بازی ہارنے والے بچوں کی تعداد 29 ہو گئی ہے۔

ایکسپریس نیوز کے مطابق تھر پارکر کی تحصیل اسلام کورٹ کے تعلقہ اسپتال میں 45 روز کا شکیل دم توڑ گیا جب کہ اسلام کوٹ میں ہی ایک 6 ماہ کا بچہ زندگی کی بازی ہار گیا۔ تھرپارکر کے مختلف اسپتالوں میں اس وقت بھی 165سے زائد بچے زیر علاج ہیں جب کہ 6بچوں کی حالت تشویش ناک ہونے کے باعث انھیں حیدرآباد منتقل کردیا گیا ہے۔

واضح رہے کہ سندھ حکومت کی غفلت اور لاپرواہی کے باعث تھر میں اموات کا سلسلہ جاری ہے اور رواں برس اب تک 140 کے قریب اموات ہو چکی ہیں لیکن صوبائی حکومت سنجیدہ اقدامات کرنے کے بجائے سب اچھا ہے کا راگ الاپ رہی ہے۔