پرینیتی چوپڑا اداکاری کے بعد گلوکاری کے میدان میں کود پڑیں

پرینیتی نئی آنے والی فلم’’میری پیاری بندو‘‘ میں اداکاری کے ساتھ ساتھ اپنی آواز کا جادو بھی جگائیں گی

ویب ڈیسک February 13, 2016

پرینیتی نئی آنے والی فلم’’میری پیاری بندو‘‘ میں اداکاری کے ساتھ ساتھ اپنی آواز کا جادو بھی جگائیں گی ، فوٹو : فائل

بالی ووڈ کی خوبرو اداکارہ پرینیتی چوپڑا اپنی نئی آنے والی فلم''میری پیاری بندو'' میں اداکاری کے ساتھ ساتھ گلوکاری بھی کریں گی۔

بالی ووڈ اداکارہ پرینیتی چوپڑا نے اپنے فلمی کیرئیر کا آغاز 2011 میں ریلیز ہونے والی فلم ''لیڈیر ورسز وکی بھال'' میں سپورٹنگ اداکارہ سے کیا جس کے بعد فلم ''عشق زادے'' میں مرکزی کردار اداکرکے خوب داد سمیٹی جب کہ اب طویل عرصے بعد اداکارہ نے فلم نگری میں واپسی کی راہ لیتے ہوئے گلوکاری کے میدان میں بھی قسمت آزمائی کا فیصلہ کرکے سب کو حیران کردیا ہے۔

پرینیتی چوپڑا طویل عرصے بعد یش راج فلمز کے بینر تلے بننے والی فلم ''میری پیاری بندو'' میں اداکاری کرتی نظر آئیں گی جس میں اداکار آیوش مان کھرانہ ان کے مدمقابل مرکزی کردار ادا کریں گے یہی نہیں بلکہ اداکارہ فلم میں اپنی آواز کا جادو بھی جگائیں گی جس کے لیے وہ پرجوش ہیں جب کہ فلم میں ان کی آواز میں گیت''مانا کہ ہم یار نہیں'' شامل کی جائے گا۔

I get to explore my biggest love - SINGING! thank you Maneesh, Akshay, Adi and yrf :) @ayushmannk #meripyaaribindu
— Parineeti Chopra (@ParineetiChopra) February 9, 2016

دوسری جانب اداکارہ پرینیتی چوپڑا نے سماجی رابطے کی ویب سائٹ ٹوئٹر پر اپنی نئی آنے والی فلم اور گلوکاری کے میدان میں قسمت آزمائی کے حوالے سے ویڈیو پیغام بھی شیئر کیا ہے۔