پولیس نے مختلف علاقوں میں کارروائی کرتے ہوئے مختلف جرائم میں ملوث 18 افراد کو گرفتار کرلیا ہے۔

ایکسپریس نیوز کے مطابق کراچی پولیس نے لیاقت آباد، رضویہ، گلبہار، مجاہد کالونی اور اس سے ملحقہ علاقوں میں ٹارگٹڈ کارروائیاں کرتےہوئے 18 ملزمان کو گرفتار کرکے ان کے قبضے سے اسلحہ اور مسروقہ سامان برآمد کرلیا ہے۔

ایس ایس پی کراچی وسطی مقدس حیدر کا کہنا ہے کہ گرفتار کئے گئے ملزمان میں ٹارگٹ کلرز اور منشیات فروش بھی شامل ہیں، ان کے قبضے سے اسلحے کے علاوہ 6 مسروقہ موٹر سائیکلیں بھی برآمد ہوئی ہیں۔