پی ایس ایل لاہور قلندرز اور اسلام آباد یونائیٹیڈ رات 9 بجے ٹکرائیں گی

دبئی انٹرنیشنل کرکٹ اسٹیڈیم میں پی ایس ایل کے 20ویں میچ کا آغاز پاکستانی وقت کے مطابق رات 9 بجے ہوگا۔ فوٹو:فائل

---

پاکستان سپرلیگ کے انتہائی اہم میچ میں اسلام آباد یونائیٹڈ اور لاہور قلندرز کی ٹیمیں آج ٹکرائیں گی۔

دبئی انٹرنیشنل کرکٹ اسٹیڈیم میں پی ایس ایل کے 20ویں میچ کا آغاز پاکستانی وقت کے مطابق رات 9 بجے ہوگا۔ لاہور قلندرز کو اگلے مرحلے میں رسائی کے لئے لازمی یہ میچ جیتنا ہوگا جب کہ گزشتہ روز کوئٹہ گلیڈی ایٹرز کے ہاتھوں سنسنی خیز مقابلے کے بعد شکست نے کھلاڑیوں کو مزید محنت کرنے پر مجبور کردیا ہے۔

لاہور قلندرز کو اسکواڈ میں کپتان اظہرعلی، کرس گیل، ڈیوائن براوو، عمر اکمل، حماد اعظم،صہیب مقصود، محمد رضوان، کیون کوپر، کیمرون ڈلپورٹ،احسان عادل،زوہیب خان، ظفرگوہر،نوید یاسین،اجنتھا مینڈس اورعدنان رسول شامل ہیں۔

اسلام آباد یونائیٹڈ کے کپتان مصباح الحق کو شرجیل خان،سین بلنگ،خالد لطیف،عماد بٹ،اظہرعلی،بابراعظم،آصف علی، بریڈ ہیڈن، عمران خان، کامران غلا، محمد عرفان، محمد سمیع،رومان رئیس،سیموئل بدری،آندرے رسلز اور عمر امین شامل ہیں۔