رجنی کانت اور اکشے کمار کے ایکشن سین پر 20 کروڑ خرچ

فلم ’’روبوٹ‘‘ کے سیکوئل میں لیجنڈری اداکار رجنی کانت ، اکشے کمار اور ایمی جیکسن مرکزی کردار کریں گی۔ فوٹو؛فائل

---

بالی ووڈ کے سپر اسٹار رجنی کانت اور خطروں کے کھلاڑی کے نام سے شہرت رکھنے والے اداکار اکشے کمار کی نئی آنے والی فلم ''روبورٹ'' کے سیکوئل میں ایکشن مناظر کی عکس بندی کرائی گئی جس پر 20 کروڑ کی لاگت آئی ہے۔

معروف فلمساز شنکر نے بالی ووڈ کی 2010 میں ریلیز ہونے والی معروف سائنس فکشن فلم ''روبوٹ'' کا سیکوئل بنانے کا اعلان کیا ہے جس کے بعد فلم کے سیکوئل میں لیجنڈری اداکار رجنی کانت اور اکشے کمار مرکزی کردار ادا کرتے نظر آئیں گے جب کہ فلم کا سیکوئل بالی ووڈ کی بھاری بجٹ والی فلموں میں سے ایک ہوگی جس کے ایک سین پر ہی کروڑوں پر روپے خرچ کردیئے گئے ہیں۔

فلم ''روبوٹ''کے سیکوئل میں لیجنڈری اداکار رجنی کانت ، اکشے کمار اور ایمی جیکسن مرکزی کردار کررہی ہیں جب کہ سائنس فکشن فلم میں رجنی کانت اور اکشے کمار کے درمیان ایکشن مناظر کی عکس بندی کی گئی جس پر 20 کروڑ روپے لاگت آئی ہے جس کے بعد یہ کسی بھی بھارتی فلم میں فلمائے گئے سب سے زیادہ لاگت والے ایکشن سین ہوں گے یہی نہیں بلکہ فلم ڈائریکٹر نے ان مناظر کو فلم کا سب سے اہم حصہ قرار دیا ہے۔

واضح رہے کہ لینڈری رجنی کانت اور اکشے کمار کی فلم ''روبوٹ 2'' اگلے برس ریلیز کی جائے گی۔