بلاول بھٹی سے ٹکر بیٹ لگنے پر شاہد آفریدی نے معذرت کر لی

پی ایس ایل میچ میں شاہدآفریدی کی بلاول بھٹی سے ٹکر ہو گئی، پشاور زلمی کے کپتان نے اس پر حریف بولر سے معذرت بھی کی.


تفصیلات کے مطابق کراچی کنگز سے میچ میں بلاول کی گیند آفریدی کے تھائی گارڈ پر لگی۔ وہ رن لینے کے دوڑے تو امپائر کی انگلی بلند دیکھ کر حیران رہ گئے، اسی اثنا میں اپیل کامیاب ہونے پر خوشیاں مناتے بولر بلاول بھٹی سامنے آ گئے، آفریدی کا بیٹ ان کی کمر پر لگ گیا اور وہ گر گئے، آفریدی نے اس پر بلاول سے معذرت بھی کی، وہ امپائر کو یہ بتاتے ہوئے واپس گئے کہ گیند تھائی پر لگی تھی جب کہ ری پلے سے بال مڈل اسٹمپ پر جاتی دکھائی دی۔