گھانا میں مسافر اور ٹرک میں تصادم سے 71 افراد ہلاک

ٹماٹروں سے بھراہوا ٹرک تیز رفتاری کے باعث مخالف سمت سے آنے والی مسافر بس سے ٹكرا گيا۔ فوٹو؛فائل

---

افریقی ملک گھانا میں میں ٹرک اور مسافر بس میں تصادم کے نتیجے میں 71 افراد ہلاک جب کہ 9 زخمی ہوگئے

غیر ملکی خبر رساں ادارے کے مطابق افریقی ملک گھاناکے شہر کماسی میں ٹرک اور مسافر بس ميں خوفناک تصادم کے نتیجے میں 71 افراد ہلاک جب کہ 9 زخمی ہوگئے، حادثہ اتنا شدید تھا کہ موقع پر ہی کئی افراد ہلاک ہوگئے اور ان کی لاشوں کو بس کاٹ کر نکالا گیا جب کہ حادثے میں زخمی ہونے والے بیشتر افراد کی حالت انتہائی تشویشناک ہے جس کے باعث ہلاکتوں میں اضافہ کا خدشہ ہے۔

حکام کا کہنا ہےکہ حادثہ اس وقت پیش آیا جب ٹماٹروں سے بھراہوا ٹرک تیز رفتاری کے باعث مخالف سمت سے آنے والی مسافر بس سے ٹكرا گيا جب کہ بس میں صرف 50 افراد کے بیٹھنے کی گنجائش تھی لیکن حادثے کے وقت بس میں 80 مسافر سوار تھے تاہم حادثے کی مزید تحقیقات کی جارہی ہیں۔