عراق میں فوجی اڈے پر خودکش حملہ 26افراد ہلاک 40زخمی

عراق میں فوجی اڈے پر خودکش کار بم دھماکے میں 26 افراد ہلاک اور 40 زخمی ہوگئے۔


ذرائع ابلاغ کے مطابق دارالحکومت بغداد کے شمال میں تاجی قصبے میں فوج میں بھرتی ہونے والے سیکڑوں نوجوان فوجی اڈے کے باہر کھڑے تھے کہ اسی دوران خودکش حملہ آور نے بارود سے بھری کار کو فوجی اڈے کے داخلی دروازے پر زور دار دھماکے سے اڑا دیا جس میں 26 افراد ہلاک اور 40 زخمی ہوگئے، ابھی تک یہ پتا نہیں چلا کہ ہلاک ہونے والے افراد میں کتنے فوجی اور کتنے نئے بھرتی ہونے والے نوجوان ہیں۔ ابھی تک کسی گروپ نے حملے کی ذمے داری قبول نہیں کی ہے۔