ریحام خان کا اپنے اعضا بعدازمرگ ایس آئی یو ٹی کو عطیہ کرنے کا اعلان
اگر ہماری وجہ سے کسی ایک انسان کی جان بچ سکے تو وہ پورے خاندان کی بحالی ہے اور یہ صدقہ جاریہ ہے، ریحام
عبدالستار ایدھی ایک عظیم انسان ہیں اورمجھے ان کی یہ بات کہ انسانیت کے لیے کام کرنا چاہیے بہت اچھی لگی، ریحام۔ فوٹو: فائل
تحریک انصاف کے چیئرمین عمران خان کی سابقہ اہلیہ ریحام خان نے بعد ازمرگ اپنے جسم کے اعضا سندھ انسٹی ٹیوٹ آف یورولوجی اینڈ ٹرانسپلانٹیشن (ایس آئی یو ٹی)کو عطیہ کرنے کا اعلان کیا ہے۔
گزشتہ روز ایس آئی یو ٹی میں زیر علاج سماجی ورکر عبدالستار ایدھی کی عیادت کے موقع پر میڈیا سے گفتگوکرتے ہوئے ریحام خان نے کہا کہ اگر ہماری وجہ سے کسی ایک انسان کی جان بچ سکے تو وہ پورے خاندان کی بحالی ہے اور یہ صدقہ جاریہ ہے۔ انھوں نے بعد از مرگ اپنے جسم کے تمام اعضاء ایس آئی یو ٹی کو عطیہ کرنے کے عطیہ زندگی فارم پر دستخط بھی کئے۔
انھوں نے کہا کہ عبدالستار ایدھی ایک عظیم انسان ہیں اورمجھے ان کی یہ بات کہ انسانیت کے لیے کام کرنا چاہیے بہت اچھی لگی۔ انھوں نے کہا کہ ایدھی واپس کام پر آنا چاہتے ہیں اور انسانیت کی خدمت کرنا چاہتے ہیں۔ ریحام خان نے کہا کہ میں نے ایدھی صاحب سے وعدہ کیا ہے کہ وہ انسانیت کی خدمت کیلیے جو کام کر رہے ہیں، اس میں مجھ سے جتنی سپورٹ ہو سکتی ہے، کروں گی۔
ڈائریکٹر جنرل احتساب کمیشن خیبر پختونخوا جنرل (ر) حامد خان کے استعفے کے حوالے سے انھوں نے کہا کہ پی ٹی آئی کی اعلیٰ قیادت یہ کہتی تھی کہ حامد خان کو اس لیے ڈی جی احتساب کمیشن کے پی کے بنایا گیا ہے کہ وہ معتبر سمھجے جاتے ہیں، اب وہ معتبر اور محتسب نہ رہے تو یہ بات سمجھ سے بالاتر ہے۔
گزشتہ روز ایس آئی یو ٹی میں زیر علاج سماجی ورکر عبدالستار ایدھی کی عیادت کے موقع پر میڈیا سے گفتگوکرتے ہوئے ریحام خان نے کہا کہ اگر ہماری وجہ سے کسی ایک انسان کی جان بچ سکے تو وہ پورے خاندان کی بحالی ہے اور یہ صدقہ جاریہ ہے۔ انھوں نے بعد از مرگ اپنے جسم کے تمام اعضاء ایس آئی یو ٹی کو عطیہ کرنے کے عطیہ زندگی فارم پر دستخط بھی کئے۔
انھوں نے کہا کہ عبدالستار ایدھی ایک عظیم انسان ہیں اورمجھے ان کی یہ بات کہ انسانیت کے لیے کام کرنا چاہیے بہت اچھی لگی۔ انھوں نے کہا کہ ایدھی واپس کام پر آنا چاہتے ہیں اور انسانیت کی خدمت کرنا چاہتے ہیں۔ ریحام خان نے کہا کہ میں نے ایدھی صاحب سے وعدہ کیا ہے کہ وہ انسانیت کی خدمت کیلیے جو کام کر رہے ہیں، اس میں مجھ سے جتنی سپورٹ ہو سکتی ہے، کروں گی۔
ڈائریکٹر جنرل احتساب کمیشن خیبر پختونخوا جنرل (ر) حامد خان کے استعفے کے حوالے سے انھوں نے کہا کہ پی ٹی آئی کی اعلیٰ قیادت یہ کہتی تھی کہ حامد خان کو اس لیے ڈی جی احتساب کمیشن کے پی کے بنایا گیا ہے کہ وہ معتبر سمھجے جاتے ہیں، اب وہ معتبر اور محتسب نہ رہے تو یہ بات سمجھ سے بالاتر ہے۔