لیجنڈری اداکار دلیپ کمار کل ممبئی کی عدالت میں پیش ہوں گے

بھارتی اداکار 18 سال پرانے مقدمے کی سماعت کے موقع پر عدالت میں پیش ہوں گے، اہلیہ سائرہ بانو، فوٹو؛ فائل

---

بالی ووڈ کے ''شہنشاہ جذبات'' اور لیجنڈری اداکاردلیپ کمار 18 سال پرانے مقدمے کی سماعت کے موقع پر کل ممبئی کی عدالت میں پیش ہوں گے۔

بالی ووڈ کے لیجنڈری اداکار یوسف خان المعروف دلیپ کمار کی اہلیہ سائرہ بانو نے سماجی رابطے کی ویب سائٹ ٹوئٹر پر مداحوں کو دلیپ کمار کی کل عدالت میں پیشی اورخرابی صحت کے حوالے سے آگاہ کیا ۔

https://twitter.com/TheDilipKumar/status/701661915798319105

اپنے پیغام میں سائرہ بانو کا کہنا تھا کہ دلیپ کمار کو 18 سال پرانے مقدمے کی سماعت کے موقع پر کل ممبئی کی عدالت میں پیش ہونا ہے جب کہ 94 سالہ دلیپ کمار کو صحت کے حوالے سے کئی مسائل درپیش ہیں جس کے باعث اعصابی دباؤ میں مبتلا ہیں لہٰذا دلیپ کمار کی حمایت اور صحتیابی کے لیے دعاؤں کی درخواست ہے۔

https://twitter.com/TheDilipKumar/status/701662292715270144

https://twitter.com/TheDilipKumar/status/701662757079240704

https://twitter.com/TheDilipKumar/status/701663103084154881

واضح رہے کہ بالی ووڈ لیجنڈری اداکار کو گزشتہ سال بھارت کا اعلی ترین سول ایوارڈ پدما وی بھوشن ایوارڈ سے نوازا گیا تھا۔