نوجوان آئندہ انتخابات میں کرپشن بجلی بحران کو مدنظر رکھ کر ووٹ ڈالیں شہبازشریف

وزیراعلی شہبازشریف نے کہا ہے کہ نوجوان آئندہ عام انتخابات میں کرپشن، بجلی بحران اور ملکی معیشت کی تباہی کو مدنظر رکھ کراپنے ووٹ کا استعمال کریں۔


اسلامیہ یونیورسٹی بہاولپورمیں لیپ ٹاپ اور انٹرن شپ لیٹرز تقسیم کرنے کی تقریب سے خطاب کرتے ہوئے وزیراعلیٰ پنجاب شہبازشریف نے کہا کہ ناقدین کہتے ہیں کہ لیپ ٹاپ پر اربوں روپے ضائع کیے جارہے ہیں لیکن این ایل سی اسکینڈل، سوئس بینکوں ميں پڑے اربوں ڈالر، حاجیوں کی جیبوں پرڈاکہ اور رینٹل پراجیکٹس میں اربوں کی کرپشن پرکوئی نہیں پوچھتا۔ انہوں نے کہا کہ طلبہ میں مزید ڈھائی لاکھ لیب ٹاپ تقسیم کریں گےجس سےملک میں انقلاب آئے گا۔