پرویزمشرف کی ایک بار پھرحالت بگڑگئی اسپتال منتقل

ڈاکٹرز نے پرویز مشرف کا گھر پر معائنہ کیا اور ان کو فوری اسپتال منتقل کرنے کا فیصلہ کیا گیا:فوٹو:فائل

---

سابق صدراورآل پاکستان مسلم لیگ کے سربراہ پرویز مشرف کو ایک مرتبہ پھر حالت بگڑنے پر اسپتال منتقل کردیا گیا ہے۔

ایکسپریس نیوزکے مطابق کراچی میں سابق صدرپرویزمشرف کی ایک پھرحالت بگڑ گئی، پی این ایس شفا کے ماہر ڈاکٹروں کی ٹیم نے پرویزمشرف کا گھرپرمعائنہ کیا، جس کے بعد انہیں فوری اسپتال منتقل کردیا گیا۔ اسپتال میں ان کا علاج شروع کردیا گیا ہے جب کہ ڈاکٹروں کی ہدایت پران کے چند ٹیسٹ بھی کئے گئے ہیں۔

واضح رہے کہ چند روز قبل بھی پرویز مشرف کی طبیعت اچانک خراب ہو گئی تھی جس کے بعد انھیں پی این ایس شفاء منتقل کیا گیا اور علاج و معالجے کے بعد انھیں گھر جانے کی اجازت دی گئی تھی۔