پریانکا چوپڑا سنی لیون کی اداکاری کی معترف نکلیں

اداکارہ سنی لیون نے سگریٹ نوشی کے خلاف مختصر دورانیے کی فلم ’’الیون منٹس‘‘ میں ان کی اداکاری کی ہے۔

ویب ڈیسک February 25, 2016

اداکارہ سنی لیون نے سگریٹ نوشی کے خلاف مختصر دورانیے کی فلم ’’الیون منٹس‘‘ میں ان کی اداکاری کی ہے،فوٹو: فائل

لاہور: بالی ووڈ میں جنگلی بلی کے نام سے مشہور اداکارہ پریانکا چوپڑا نے بولڈ مناظر کی عکس بندی کے حوالے شہرت رکھنے والی اداکارہ سنی لیون کی سگریٹ نوشی کے خلاف مختصر دورانیے کی فلم ''الیون منٹس'' میں ان کی اداکاری کی تعریف کی ہے۔

بالی ووڈ اداکارہ سنی لیون فلم نگری میں دوسرے درجے کی اداکارہ کی حیثیت رکھتی ہیں یہی وجہ ہے کہ اپنے مخصوص کردار کے باعث فلم نگری میں شہرت رکھتی ہیں جس کی وجہ سے انڈسٹری کے صف اول کے اداکار ان کے ساتھ فلموں میں کام کرنے سے کتراتے ہیں تاہم اب صف اول کی اداکارہ پریانکا نے ان کی فلم کی تعریف کرڈالی ہے۔

Love it @SunnyLeone xoxo https://t.co/OivVm8HEc6
— PRIYANKA (@priyankachopra) February 25, 2016

سنی لیون سماجی مسائل کے خلاف میدان میں آگئی ہیں جس کے لیے انہوں نے سگریٹ نوشی کے خلاف مختصر دورانیے کی فلم ''الیون منٹس'' میں اداکاری کی ہے جس پر اداکارہ پریانکا چوپڑا نے ان کی فلم کو بے حد پسند کیا جب کہ اداکارہ پریانکا چوپڑا نے سماجی رابطے کی ویب سائٹ ٹوئٹر پر اداکارہ سنی لیون کی فلم کی تعریف کی جس کے جواب میں سنی لیون نے شکریہ ادا کیا۔