پریانکا چوپڑا سنی لیون کی اداکاری کی معترف نکلیں

لاہور:
بالی ووڈ میں جنگلی بلی کے نام سے مشہور اداکارہ پریانکا چوپڑا نے بولڈ مناظر کی عکس بندی کے حوالے شہرت رکھنے والی اداکارہ سنی لیون کی سگریٹ نوشی کے خلاف مختصر دورانیے کی فلم ''الیون منٹس'' میں ان کی اداکاری کی تعریف کی ہے۔

بالی ووڈ اداکارہ سنی لیون فلم نگری میں دوسرے درجے کی اداکارہ کی حیثیت رکھتی ہیں یہی وجہ ہے کہ اپنے مخصوص کردار کے باعث فلم نگری میں شہرت رکھتی ہیں جس کی وجہ سے انڈسٹری کے صف اول کے اداکار ان کے ساتھ فلموں میں کام کرنے سے کتراتے ہیں تاہم اب صف اول کی اداکارہ پریانکا نے ان کی فلم کی تعریف کرڈالی ہے۔

سنی لیون سماجی مسائل کے خلاف میدان میں آگئی ہیں جس کے لیے انہوں نے سگریٹ نوشی کے خلاف مختصر دورانیے کی فلم ''الیون منٹس'' میں اداکاری کی ہے جس پر اداکارہ پریانکا چوپڑا نے ان کی فلم کو بے حد پسند کیا جب کہ اداکارہ پریانکا چوپڑا نے سماجی رابطے کی ویب سائٹ ٹوئٹر پر اداکارہ سنی لیون کی فلم کی تعریف کی جس کے جواب میں سنی لیون نے شکریہ ادا کیا۔

واضح رہے کہ اداکارہ پریانکا چوپڑا ہالی ووڈ فلم''بے واچ'' کی شوٹنگ کے سلسلے میں امریکہ میں مصروف ہیں۔