محکمہ داخلہ پنجاب نے پٹھان کوٹ حملے کی تحقیقات کیلیے جے آئی ٹی تشکیل دیدی

مشترکہ تحقیقاتی ٹیم پٹھان کوٹ حملے سے متعلق گوجرانوالہ میں درج مقدمے پر تحقیقات کرے گی۔ فوٹو؛فائل

---

محکمہ داخلہ پنجاب نے پٹھان کوٹ حملہ کیس میں تفتیش کے لیے جے آئی ٹی تشکیل دے دی جو واقعہ سے متعلق گوجرانوالہ پر درج مقدمے پر تحقیقات کرے گی۔

ایکسپریس نیوز کے مطابق محکمہ داخلہ پنجاب نے پٹھان کوٹ حملہ کیس میں تفتیش کے لیے جے آئی ٹی تشکیل دے دی ہے جو 5 افراد پر مشتمل ہے جب کہ کمیٹی میں پولیس اور حساس اداروں کے افسران شامل ہیں۔ مشترکہ تحقیقاتی ٹیم میں میں ایڈیشنل آئی جی سی ٹی ڈی رائے طاہر بھی شامل ہیں جب کہ ٹیم پٹھان کوٹ حملے سے متعلق گوجرانوالہ درج ہونے والے مقدمے پر تحقیقات کرے گی۔

واضح رہے بھارتی ایئربیس پٹھان کوٹ پر دہشت گردوں کے حملے میں بھارت کے 7 فوجی ہلاک ہوئے تھے اور 4 دن تک جاری رہنے والے مقابلے میں حملے کے چاروں دہشت گرد بھی مارے گئے تھے۔