حکومتی احکامات نظر انداز کرشنگ شروع نہ ہو سکی

حکومتی احکامات کے باوجود میرپورخاص کی6 شوگر ملوں نے تاحال کرشنگ کا آغاز نہیں کیا جس کے باعث ساڑھے5 ہزار ایکڑ پر کھڑی گنے کی فصل سوکھنے لگی۔


آباد گاروں نے آئندہ گنا نہ کاشت کرنے کا اعلان کر دیا۔ ایف اور سی سندھ کے چیئرمین جاوید جونیجو نے کہاکہ ہر سال کی طرح امسال بھی صوبے کی 30 شوگر ملز مالکان لاکھوں زمینداروں کو تباہ کرنے پر تلے ہوئے ہیں جبکہ جمہوری حکومت میں زمینداروں کے ساتھ یہ ظلم نہیں ہونا چاہیے، صوبائی وزیر زراعت کا تعلق بھی اسی ضلع سے ہے مگر انہوں نے بھی تاحال اپنی شوگر مل میں کرشنگ شروع نہیں کی، انہوں نے کہاکہ زرعی پالیسی نہ ہونے کے باعث سندھ کے آباد گار تباہ ہو چکے ہیں اور انہوں نے آئندہ گنے کی فصل کاشت نہ کرنے کا فیصلہ کیا ہے۔