ڈمپل گرل پریتی زنٹا آج پیا گھرسدھار جائیں گی

شادی کی تقریب امریکی شہر لاس اینجلس میں منعقد ہوگی جب کہ تقریب میں قریبی رشتہ داروں کو ہی مدعو کیا گیا ہے۔ فوٹو:فائل

---

HYDERABAD: بالی ووڈ میں ڈمپل گرل کے نام سے مشہور اداکارہ پریتی زنٹا اپنے امریکی دوست جینی گڈ اینف سے آج رشتہ ازدواج میں منسلک ہوجائیں گی۔

بالی ووڈ اداکارہ پریتی زنٹا اپنی شادی کی خبروں کی مسلسل تردید کرتی آئی ہیں یہی نہیں انہوں نے اپنی شادی سے متعلق خود ہی آگاہ کرنے کا اعلان کیا تھا جب کہ اداکارہ کی اپریل میں شادی کا امکان ظاہر کیا جارہا تھا تاہم اب اداکارہ آج ہی شادی کے بندھن میں بندھ جائیں گی۔

بھارتی میڈیا رپورٹس کے مطابق بالی ووڈ اداکارہ پریتی زنٹا اپنے قریبی دوست جینی گڈ اینف سے آج رشتہ ازدواج میں منسلک ہوجائیں گی جب کہ شادی کی تقریب کو انتہائی سادہ رکھا گیا ہے جس میں قریبی رشتہ دار اور دوست شریک ہوں گے اور تقریب کا انعقاد امریکی شہر لاس اینجلس میں ہوگا۔

واضح رہے کہ اداکارہ پریتی زنٹا نے اپنی شادی کی تصویریں نیلام کرنے کا اعلان کیا تھا جس کی آمدنی فلاحی کاموں میں خرچ کی جائے گی۔