دبنگ خان بھی شاہ رخ خان کے مداح نکلے

سلمان خان نے ٹوئٹر پر شاہ رخ خان کی نئی آنے والی فلم ’’فین‘‘ کا نیا ٹریلیر جاری کیا

ویب ڈیسک March 01, 2016

سلمان خان نے ٹوئٹر پر شاہ رخ خان کی نئی آنے والی فلم ’’فین‘‘ کا نیا ٹریلیر جاری کیا۔ فوٹو: فائل

بالی ووڈ کے دبنگ سپر اسٹار سلمان خان نے اپنی قریبی دوست اور فلم نگری کے کنگ شاہ رخ خان کی نئی آنے والی فلم''فین'' کا ٹریلیر ریلیز کرتے ہوئے خود کو کنگ خان کا مداح قرار دیا ہے۔

بالی ووڈ اداکار سلمان خان اور شاہ رخ خان کے درمیان بے مثال دوستی کا رشتہ قائم جس کی وجہ سے دونوں اداکار ایک دوسرے کی تعریفوں کے ساتھ ساتھ فلموں کی تشہیر کرتے نظر آتے ہیں تاہم اب دبنگ خان نے شاہ رخ خان کی صلاحیتوں کا اعتراف کرکے سب کو حیران کردیا ہے۔

اداکار سلمان خان نے سماجی رابطے کی ویب سائٹ ٹوئٹر پر شاہ رخ خان کی نئی آنے والی فلم ''فین'' کا نیا ٹریلیر جاری کیا جب کہ اپنے پیغام میں کہنا تھا کہ میں خود شاہ رخ خان کا پرستار ہوں۔