مصباح آئندہ برس بھی اسلام آباد کی کمان سنبھالنے کے خواہاں

تجربہ کار بیٹسمین مصباح الحق آئندہ برس بھی پاکستان سپرلیگ میں اسلام آباد یونائیٹڈ کی کمان سنبھالنا چاہتے ہیں۔


مصباح الحق نے کہا کہ میں اگر فٹ ہوا تو 2017 میں بھی قیادت کرنا پسند کروں گا، پی ایس ایل ایک انتہائی کامیاب ایونٹ ثابت ہوا، جتنا لطف مجھے ان چند دنوں میں آیا اپنے 15 سالہ انٹرنیشنل کیریئر میں بھی اتنا لطف اندوز نہیں ہوسکا تھا، انھوں نے کہا کہ ہماری کامیابی میں ٹیم ڈائریکٹر وسیم اکرم اور کوچ ڈین جونز کا بھی بڑا ہاتھ ہے، دونوں ہی اپنے ممالک کیلیے ورلڈ کپ جیت چکے، ان کی رہنمائی سے ہم افتتاحی ایونٹ کے فاتح بننے میں کامیاب رہے۔