پاکستان کرکٹ ٹیم کو بھارت میں فول پروف سکیورٹی فراہم کریں گے بھارتی وزیرداخلہ

بال ٹھاکرے ہو یا کوئی اور دھمکیوں سے پریشان ہونے والے نہیں ہیں، ہماراکھیل اورثقافتی پروگرام بالکل مختلف ہوگا،سشیل کمار ، فوٹو : رائٹرز ، فائل

---

بھارتی وزیرداخلہ سشیل کمار نےکہا ہے کہ شیوسیناکی دھمکیوں پردھیان نہ دیں ، پاکستان کی کرٹ ٹیم کو دورہ بھارت کے دوران فول پروف سکیورٹی فراہم کی جائےگی۔

سشیل کمار نے کہا ہے کہ بال ٹھاکرے ہو یا کوئی اور حکومت دھمکیوں سے پریشان ہونے والے نہیں ، ہماراکھیل اورثقافتی پروگرام بالکل مختلف ہوگا جبکہ دنیاکےکسی حصےسے بھی لوگ ہمارےملک آسکتےہیں۔ انہوں نے مزید کہا کہ کچھ لوگ پاکستانی ٹیم کے دورہ بھارت کو ممبئی حملوں سےمنسوب کررہےہیں جوباکل غلط ہے ۔

واضح رہے کہ بھارتی ہندو انتہاپسند تنظیم شیو سینا کے سربراہ بال ٹھاکرے نے پاکستان کرکٹ ٹیم کے دورہ بھارت سے متعلق ایک بھارتی جریدے کو ایک انٹرویو دیتے ہوئےکہا تھا پاکستان کا دورہ بھارت ایک شرمناک عمل ہے اوربھارتی کرکٹ بورڈ صرف پیسوں کی خاطر قومی عزت کا سودا کررہی ہے، جس میں کھلاڑی بھی شامل ہیں۔ انہوں نے بھارتی وزیر داخلہ سنیل کمار شینڈے پر بھی الزام لگایا تھا کہ وہ پاکستان کے ایجنٹ بن گئے ہیں۔