آرمی چیف کی افغان قیادت سے شوال سے دہشتگردوں کے افغانستان فرارہونے سے متعلق امور پر بات چیت

افغان قیادت نے دہشتگردی کیخلاف جنگ اورخطے میں قیام امن کیلئے پاک آرمی کے کرداراورکامیابیوں کو سراہا،آئی ایس پی آر۔ فوٹو: آئی ایس پی آر

---

JUBAIL, SAUDI ARABIA: سربراہ پاک فوج جنرل راحیل شریف نے افغان صدر اشرف غنی سے ملاقات کی جس میں خطے کی سیکیورٹی صورتحال سمیت مختلف امور پرتبادلہ خیال کیا۔



ترجمان پاک فوج کے مطابق آرمی چیف جنرل راحیل شریف نے تاجکستان کے دورے سے واپسی پر کابل میں قیام کیا جہاں انہوں نے افغان قیادت سے ملاقات اور امریکی کمانڈر کی تبدیلی کی تقریب میں شرکت کی۔ آرمی چیف نے افغان صدر اشرف غنی سے صدارتی محل میں الگ ملاقات کی جس میں خطے کی سیکیورٹی، سرحدی امور اور شوال آپریشن کے نتیجے میں دہشت گردوں کے افغانستان فرار ہونے سے متعلق امور پر بات چیت کی۔

#COAS reiterated whole hearted support to Afgn leadership for peace,stability in Afghanistan-5

— Gen(R) Asim Saleem Bajwa (@AsimBajwaISPR) March 2, 2016

آرمی چیف جنرل راحیل شریف نے افغان قیادت کو مستحکم افغانستان اور قیام امن کے لئے بھرپور حمایت کی یقین دہانی کرائی جب کہ افغان قیادت نے دہشت گردی کے خلاف جنگ اور خطے میں قیام امن کے لئے پاک آرمی کے کردار اور کامیابیوں کو تسلیم کرتے ہوئے اسے سراہا۔



سربراہ پاک فوج نے امریکی عسکری قیادت چیئرمین جوائنٹس چیف جنرل جوزیف ڈنفورڈ، سینٹرل کمانڈر جنرل آسٹن اور آر ایس ایم کمانڈر جنرل نیکولسن سے ملاقات کی اور باہمی دلچسپی کے امور پر تبادلہ خیال کیا۔

held mtngs with Afgn Pres Ashraf Ghani at Palace&separately with US Mil ldr incl CJS Gen Dunford,CENTCOM Gen Austin&RSM Comd Gen Nicholson-2

— Gen(R) Asim Saleem Bajwa (@AsimBajwaISPR) March 2, 2016