عالمی ادارہ صحت نے پاكستان ميں پراسرار پوليو وائرس ''سابن'' كی موجودگی كی تصديق كردی۔
دنيا ميں پہلے پوليو كے 3 طرح كے وائرس پی ون، پی ٹو اور پی تھری تھے اور پاكستان ميں پی ون اور پی تھری وائرس پایا جاتا تھا تاہم اب پاكستان ميں نيا پولیو وائرس ''سا بن'' سامنے آيا ہے جس نے بيک وقت 5 بچوں كو متاثر كيا۔
بلوچستان كے اضلاع پشين اور قلعہ عبد اللہ ميں بچوں كے ٹيسٹ کیے گئے جس کے بعد 5 بچوں ميں اس وائرس كی تصديق ہوئی۔ قومی ادارہ صحت نے بھی وائرس كی تصديق كردی ہے اور صورتحال کے پیش نظر وفاقی حكومت نے 15 نومبر سے بلوچستان ميں ہنگامی پوليو مہم شروع کرنے كا فيصلہ كيا ہے۔