ایشیا کپ میں ناکامی عمران خان نے چیئرمین پی سی بی کی تعیناتی پرسوالات اٹھا دیئے

وزیراعظم نواز شریف سے یہ توقع نہیں کی جاسکتی ہے کہ وہ پی سی بی چیئرمین کو میرٹ پر تعینات کریں گے،سابق کپتان. فوٹو:فائل

---

قومی کرکٹ ٹیم کے سابق کپتان اور چیئرمین تحریک انصاف عمران خان نے چئرمین پی سی بی شہریار خان کی تقرری پر سوالات اٹھاتے ہوئے کہا ہے کہ جب تک کرکٹ بورڈ کو ادارہ نہیں بنایا جائے گا اس وقت تک ٹیلنٹ ابھر کر سامنے نہیں آسکتا۔

سماجی رابطے کی ویب سائٹ ٹوئٹر پر اپنی ٹوئٹس میں عمران خان کا کہنا تھا کہ قومی کرکٹ ٹیم کے ایشیا کپ ٹی ٹوئنٹی سے اس انداز سے باہر ہونے پر شائقین شدید غصے میں ہیں اور قومی ٹیم کی شکست کو دیکھتے ہوئے یہ سمجھ لینا چاہیئے کہ قوم کا ٹیلنٹ گہرے گھڑے میں جاچکا ہے تاہم اس ٹیلنٹ کو تبھی نکھارا جاسکتا ہے کہ جب پی سی بی کو میرٹ کی بنیاد پر ادارہ بنادیا جائے اور اس کے سربراہ کو بھی میرٹ کی بنیاد پر ہی تعینات کیا جائے۔

3. But how can we expect this PM to select PCB chief on merit when all orgs are being headed by cronies/ppl rewarded for services to Sharifs

— Imran Khan (@ImranKhanPTI) March 3, 2016

عمران خان کا کہنا تھا کہ وزیراعظم نواز شریف سے یہ توقع نہیں کی جاسکتی ہے کہ وہ پی سی بی چیئرمین کو میرٹ پر تعینات کریں گے کیونکہ وہ ایسے لوگوں کو نوازتے ہیں جو ان کے لئے کام کریں۔ ان کا کہنا تھا کہ موجودہ ٹیم میں بھی بھرپور ٹیلنٹ موجود ہے لیکن اس کے لئے درست کمبی نیشن کھلانا ہوگا۔

Saddened to hear of the passing of a great cricketer Martin Crowe - the best New Zealand captain I played against.

— Imran Khan (@ImranKhanPTI) March 3, 2016

قومی ٹیم کے سابق کپتان نے مایہ ناز کرکٹر اور نیوزی لینڈ کے سابق کپتان مارٹن کرو کے انتقال پر اظہار افسوس کرتے ہوئے کہا کہ مارٹن کرو کے انتقال کا سن کر بہت افسوس ہوا، وہ نیوزی لینڈ کے بہترین کپتان تھے۔