اجے دیوگن فلم ’’ جب تک ہے جان‘‘ کے خلاف کیس ہار گئے

اجے دیو گن کی فلم سن آف سردار رواں ہفتے ریلیز ہورہی ہے۔ فوٹو : فائل

---

معروف بھارتی اداکار اجے دیوگن مشہور فلم ساز کمپنی یش راج بینر کی فلم '' جب تک ہے جان'' کے خلاف دائر کیا جانے والا مقدمہ ہار گئے ۔

اجے دیوگن نے ممبئی میں قائم مسابقتی کمیشن کو گزشہ ماہ درخواست دی تھی جس میں موقف اختیار کیا گیا تھا کہ 13 نومبر کو دیوالی کے موقع پر ریلیز ہونے والی ان کی فلم سن آف سردار کے مقابلے میں یش راج بینر اپنی فلم جب تک ہے کی تشہیر کے لیے مارکیٹ میں اپنی حیثیت کا ناجائز فائدہ اٹھا رہا ہے جس کا نوٹس لیا جائے۔

گزشتہ روز مسابقتی کمیشن نے اپنے فیصلے میں قرار دیا کہ انھیں یش راج بینر کی طرف سے اپنی فلم کی تشہیر کے لیے ناجائز ذرایع استعمال کرنے کا کوئی ثبوت نہیں ملا۔ اس لیے وہ اجے دیوگن کی درخواست کو مسترد کرتے ہیں۔ فیصلے میں کمیشن نے لکھا کہ درخواست گزار اس بارے میں کوئی مصدقہ ثبوت فراہم کرنے میں ناکام رہا ہے۔