لاہورایئرپورٹ سے چین منشیات اسمگل کرنے کی کوشش ناکام ملزم گرفتار

ملزم تھائی ائیر لائن کے ذریعے کروڑ وں روپے مالیت کی ہیروئین چین اسمگل کر رہا تھا، اے ایس ایف فوٹو: فائل

---

علامہ اقبال ایئرپورٹ پرتعینات اہلکاروں نے چین جانے والے ایک مسافر کے سامان سے منشیات برآمد کرکے اسے حراست میں لے لیا۔

ایکسپریس نیوزکے مطابق لاہورکے علامہ اقبال انٹرنیشنل ایئرپورٹ پرتعینات اے ایس ایف اہلکاروں نے غیرملکی ایئرلائن کی پرواز کے ذریعے چین جانے والے ایک مسافر کے سامان سے ہیروئن برآمد کرلی، ملزم کو اینٹی نارکوٹکس فورس کے حوالے کرکے مقدمہ درج کرلیا گیا ہے۔

اے ایس ایف حکام کا کہنا ہے کہ ملزم کا نام ذوالفقار ہے اور اس کا تعلق گوجرانوالہ سے ہے، ذوالفقار کے سامان سے 2 کلو ہیروئن برآمد ہوئے ہے جو اس نے اپنے بیگ کے خفیہ خانوں میں چھپا رکھی تھی۔