سونے کی قیمت300 روپے کے اضافے سے 49ہزار400روپے تولہ ہوگئی

فی تولہ چاندی کی قیمت660 اور دس گرام565.71 روپے پرمستحکم رہی۔ فوٹو: فائل

---

KABUL: بین الاقوامی بلین مارکیٹ میں فی اونس سونے کی قیمت 10 ڈالر کے اضافے سے 1269 ڈالر کی سطح پر پہنچنے کے باعث مقامی صرافہ مارکیٹوں میں بھی پیر کو فی تولہ اور فی دس گرام سونے کی قیمتوں میں بالترتیب300 اور257 روپے کا اضافہ ہوگیا ہے۔

جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر49ہزار400 روپے اور فی دس گرام سونے کی قیمت بڑھ کر42ہزار 342 روپے ہوگئی تاہم فی تولہ چاندی کی قیمت660 اور دس گرام565.71 روپے پرمستحکم رہی۔