انضمام الحق اورگنگولی پاک بھارت کرکٹ تعلقات کی بحالی کے خواہاں

جب بھی دونوں ٹیمیں ایک دوسرے کے خلاف نبرد آزما ہوں جوش و خروش آسمان کو چھونے لگتا ہے،گنگولی:فوٹو : فائل

---

سابق پاکستانی کپتان انضمام الحق اور بھارت کے ساروگنگولی نے دونوں ممالک میں کرکٹ تعلقات کی بحالی پر زوردیا ہے۔

انضمام نے کہاکہ دونوں روایتی حریفوں کے درمیان سیریز لازمی طور پر ہونی چاہیے، اسی سے تعلقات میں بھی بہتری آئے گی۔ دوسری جانب گنگولی نے کہا کہ جب بھی دونوں ٹیمیں ایک دوسرے کے خلاف نبرد آزما ہوں جوش و خروش آسمان کو چھونے لگتا ہے، جب میں کپتان بنا تو پاکستانی ٹیم کی قیادت انضمام الحق کے ہاتھوں میں تھی، 2005 کے دورے میں ہمارے لیے انھیں آؤٹ کرنا بڑا چیلنج بن گیا تھا۔