فیصل آباد میں گھرمیں آتشزدگی کے باعث 3 بچے اورخاتون جھلس کرجاں بحق

منظور اور اس کا بیٹا اویس بھی شدید زخمی ہو گئے فوٹو: فائل

---

ملت ٹاؤن میں شارٹ سرکٹ سے گھر میں آتشزدگی کے باعث 3 بچے اور خاتون جھلس کر جاں بحق ہوگئے۔

ایکسپریس نیوز کے مطابق فیصل آباد کے علاقے ملت ٹاؤن کی بیس لائن کے رہائشی منظور کے گھر میں رات گئے اس وقت آگ بھڑک اٹھی جب وہ اپنے گھر والوں کے ہمراہ سو رہا تھا۔ حادثے میں منظور کی بیوی خالدہ، اس کی 8 سالہ بیٹی طیبہ، 6 سالہ حسنین اور 3 برس کا الیاس موقع پر ہی جاں بحق ہوگئے جب کہ منظور اور اس کا بیٹا اویس شدید زخمی حالت میں اب بھی اسپتال میں زیر علاج ہیں۔ ڈاکٹروں کا کہنا ہے کہ دونوں زخمیوں کی حالت بھی تشویش ناک ہے۔

پولیس کا کہنا ہے کہ آتشزدگی کا واقعہ شارٹ سرکٹ کا نتیجہ ہے تاہم واقعے کی دوسرے پہلوؤں سے بھی تفتیش کی جارہی ہے۔