خیبرپختونخوا میں تحفظ خواتین کے لئے مسودہ تیار کرلیا عمران خان

مسودہ اسلامی نظریاتی کونسل کو بھجوادیا جس کی منظوری کے بعد بل اسمبلی میں پیش کیا جائے گا،چیئرمین پی ٹی آئی. فوٹو: فائل

---

چیئرمین تحریک انصاف عمران خان کا کہنا ہے کہ خیبرپختونخوا میں خواتین کے تحفظ کے لئے مسودہ تیار کرکے اسلامی نظریاتی کونسل کو بجھوا دیا گیاہے۔

پشاور میں بے نظیر یونیورسٹی میں میڈیا سے بات کرتے ہوئے عمران خان کا کہنا تھا کہ خیبرپختونخوا انتہا پسندی کے باعث سب سے زیادہ متاثر ہونے والا صوبہ ہے اور ہم نہیں چاہتے کہ کوئی بھی ایسا بل پاس ہو جس سے صوبہ متاثر ہو اس لئے خواتین کے تحفظ کے لئے مسودہ تیار کرلیا گیا ہے جس میں خواتین کے حقوق کی نمائندگی ہوگی جب کہ مسودہ اسلامی نظریاتی کونسل کو بھجوادیا گیا ہے جہاں علمائے کرام کے غوروخوض کے بعد بل منظوری کے لئے اسمبلی میں پیش کیا جائے گا۔

Let us remember the Quaid's words today: "No nation can rise to the height of glory unless your women are side by side with you."

— Imran Khan (@ImranKhanPTI) March 8, 2016

اس سے قبل خواتین کے عالمی دن کی مناسبت سے چیئرمین تحریک انصاف نے سماجی رابطے کی ویب سائٹ ٹویٹر پر اپنے پیغام میں کہا کہ قائداعظم کا فرمان ہے کہ کوئی قوم اس وقت تک ترقی کی راہوں پر گامزن نہیں ہوسکتی جب کہ اس قوم کی خواتین مردوں کے شانہ بشانہ کھڑی نہ ہوں، پی ٹی آئی خواتین کو بااختیار بنانے کےلئے مصروف عمل ہے۔

PTI is committed to empowering women & providing them a secure enabling environment as they are the building blocks of future generations.

— Imran Khan (@ImranKhanPTI) March 8, 2016

عمران خان کا کہنا تھا کہ تحریک انصاف نے عزم کر رکھا ہے کہ خواتین کو بااختیار بناتے ہوئے انہیں سازگار ماحول فراہم کیا جائے گا جہاں وہ قوم کے مستقبل کو بناسکیں جب کہ میری والدہ میرے لئے متاثرکن شخصیت تھیں جنہوں نے مجھے اپنے اہداف حاصل کرنے کی ہمت دلائی۔