ورلڈ ٹوئنٹی 20 بھارتی کرکٹ کپتان توقعات کے دباؤ سے بچنے کیلیے کوشاں

ہم ایونٹ میں آہستہ اور احتیاط سے سفر شروع کرنے کے خواہاں ہیں، دھونی۔ فوٹو: فائل

---

KARACHI: بھارتی کپتان مہندرا سنگھ دھونی ورلڈ ٹوئنٹی 20 کے حوالے سے توقعات کے دباؤ سے بچنے کیلیے کوشاں ہیں۔

انھوں نے کہا کہ ورلڈ کپ 2011 کی طرح اس بار بھی توقعات بہت زیادہ ہیں لیکن ہم اس بارے میں نہیں سوچنا چاہتے کیونکہ اس سے دباؤ میں اضافہ ہوجاتا ہے۔

ہم ایونٹ میں آہستہ اور احتیاط سے سفر شروع کرنے کے خواہاں ہیں۔ ٹیم میں تبدیلی کے سوال پر دھونی نے کہاکہ ہم اس وقت چھٹے گیئر میں دوڑ رہے ہیں، میں نہیں سمجھتا کہ ہمارے لیے مزید کسی گیئر کی کوئی کسر باقی بچی ہے۔