شعیب اختر نے اپنے بارے میں سہواگ کے کمنٹس کو ’بچکانہ‘ قرار دے دیا

سہواگ جیسے ایک عظیم پلیئر کی جانب سے انتہائی بچکانہ بیان سامنے آیاکہ ہم بھارتیوں کی دولت کیلیے تعریف کرتے ہیں، شعیب۔ فوٹو: فائل

---

ISLAMABAD: سابق اسپیڈ اسٹار شعیب اختر نے اپنے بارے میں بھارتی بیٹسمین وریندرسہواگ کے کمنٹس کو 'بچکانہ' قرار دے دیا۔

سہواگ نے ایک ٹی وی پروگرام میں کہا تھا کہ شعیب اختر اور ان جیسے سابق پاکستانی پلیئرز بھارت میں بزنس حاصل کرنے کیلیے ہمارے کھلاڑیوں کی تعریف کرتے ہیں۔

اس پر شعیب نے ٹویٹر پر کہا کہ '' سہواگ جیسے ایک عظیم پلیئر کی جانب سے انتہائی بچکانہ بیان سامنے آیاکہ ہم بھارتیوں کی دولت کیلیے تعریف کرتے ہیں'۔ دلچسپ بات یہ ہے کہ شعیب نے کچھ دیر بہت اس ٹویٹ کو ڈیلیٹ بھی کردیا۔