دیوی کے خلاف نامناسب الفاظ استعمال کرنے پر شاہ رخ خان اور ان کی اہلیہ کے خلاف مقدمہ درج

شہری کے مطابق ممبئی میں کرن جوہر کی فلم اسٹوڈنٹ آف دی ائیر کی تقریب کے دوران شاہ رخ خان اور ان کی بیوی نے ہندو دھرم کی ایک دیوی کے خلاف نامناسب الفاظ استعمال کئے۔ فوٹو: اے ایف پی/ فائل

---

ISLAMABAD:

ہندو مذہب کی دیوی کے خلاف نامناسب الفاظ استعمال کرنے پربھارتی شہری نے اداکار شاہ رخ خان اور ان کی اہلیہ گوری خان کے خلاف ایف آئی آر درج کرا دی۔

ریاست بہار کے ضلع مظفر گڑھ کے تھانہ صدر میں ایک شہری نے شاہ رخ خان کے خلاف مقدمہ درج کروایا۔ شہری کے مطابق ممبئی میں کرن جوہر کی فلم اسٹوڈنٹ آف دی ائیر کی تقریب کے دوران شاہ رخ خان اور ان کی بیوی نے ہندو دھرم کی ایک دیوی کے خلاف نامناسب الفاظ استعمال کئےجس سےہندوؤں کے جذبات مجروح ہوئے ہیں۔

دوسری جانب شاہ رخ خان نے کہا ہے کہ انہوں نےاس طرح کے الفاظ استعمال نہیں کئے اور ان کے خلاف درج کرائی گئی ایف آئی آرغلط ہے۔