حریت رہنما سید علی گیلانی کو دل کا دورہ

سید علی گیلانی کو معمولی نوعیت کا دورہ پڑا ہے اوراب ان کی حالت خطرے سے باہر ہے،ترجمان. فوٹو:فائل

---

مقبوضہ کشمیر کے حریت رہنما سید علی گیلانی کو دل کا دورہ پڑنے کے بعد اسپتال میں داخل کردیا گیا۔
بھارتی میڈیا کے مطابق بزرگ حریت رہنما سید علی گیلانی کو دل کا دورہ پڑا جس کے بعد انہیں دلی کے اسپتال لے جایا گیا ہے جہاں انہیں طبی امداد دی جارہی ہے۔ کشمیر میڈیا سیل کے مطابق حریت رہنما کو اچانک دل کا دورہ پڑنے پر ان کی صاحبزادی انہیں فوری طور پر رہائش گاہ کے قریب اسپتال لے گئیں جہاں انہیں آئی سی یو میں رکھا گیا ہے۔

https://www.facebook.com/onlykmr1/photos/a.1458810681099119.1073741828.1458792534434267/1571438363169683/?type=3&permPage=1

دوسری جانب حریت رہنما کے ترجمان ایاز اکبر کا کہنا ہے کہ سید علی گیلانی کو معمولی نوعیت کا دورہ پڑا ہے اور اللہ کا شکر ہے اب ان کی حالت خطرے سے باہر ہے اور وہ تیزی سے صحت یاب ہورہے ہیں تاہم انہوں نے عوام سے اپیل کی ہے کہ ان کی صحت یابی کے لئے دعائیں کریں۔