امیتابھ کا بھیس بدل کر دہلی کی سڑکوں پر مٹر گشت

امیتابھ بچن اس خوشگوارتجربے سے لطف لیتے وقت خاکی ٹراؤزر،ڈھیلی ڈھالی شرٹ اور ٹریننگ ماسک میں ملبوس تھے فوٹو: فائل

---

بالی ووڈ میگا اسٹارامیتابھ بچن آجکل شوجیت سکر کی نئی آنے والی فلم کی شوٹنگ کے سلسلے میں بھارتی دارالحکومت دہلی میں ہیں۔

بھارتی میڈیا رپورٹس کے مطابق میگا اسٹار نقاب پہن کر دہلی کی سڑکوں پر پیدل گھومتے رہے تاہم کوئی بھی انھیں پہچان نے میں کامیاب نہ ہوسکا کہ ان درمیان اتنے بڑے اسٹار موجود ہیں۔امیتابھ بچن اس خوشگوارتجربے سے لطف لیتے وقت خاکی ٹراؤزر،ڈھیلی ڈھالی شرٹ اور ٹریننگ ماسک میں ملبوس تھے۔ 73سالہ اداکار کی جانب سے مذکورہ سیر کے بعد اپنے بلاگ پر یہ خوشگوار تجربہ اپنے پرستاروں کے ساتھ بھی شیئرکیا گیا۔ ان کا کہنا تھا کہ انھیں اس طرح عام لوگوں کے درمیان گھومنا بے حد اچھا لگا۔