شاہد آفریدی کو بھارت میں بہت پذیرائی حاصل ہے ان کا بیان غلط لیا گیا فواد خان

شاہد آفریدی کو پاکستانی ہونے پر فخر ہے اور ہم اس بات پر فخر ہے کہ وہ ہمارے ملک کے نمائندہ ہیں، فواد خان فوٹو: فائل

---

SUWON, SOUTH KOREA: فواد خان کا کہنا ہے کہ شاہد آفریدی کا بیان سیاق سباق سے ہٹ کر لیا گیا لیکن میں جانتا ہوں کہ شاہد آفریدی کو بھارتی فین کتنا پیار اور محبت کرتے ہیں۔

پاکستانی اداکار فواد خان بھی شاہد آفریدی کی حمایت میں بول پڑے ہیں بھارت میں اپنی نئی آنے والی فلم کی پروموشن کے دوران فواد خان کا کہنا تھا کہ شاہد آفریدی کا بیان سیاق سباق سے ہٹ کر لیا گیا کیونکہ میں نے ان کے ساتھ ایک بار سفر کیا ہے اور میں جانتا ہوں کہ شاہد آفریدی کو بھارتی فین کتنا پیار اور محبت کرتے ہیں جب کہ انہیں یہاں شاندار پذیرائی بھی حاصل ہے۔

فواد خان نے کہا کہ شاہد آفریدی کو پاکستانی ہونے پر فخر ہے اور ہم اس بات پر فخر ہے کہ وہ ہمارے ملک کے نمائندہ ہیں۔ ان کا کہنا تھا کہ پاک بھارت مقابلے میں ہمیشہ سے جوش اور جذبہ رہا ہے اور دونوں ٹمیوں کے درمیان زبردست مقابلہ بھی ہوتا ہے۔

واضح رہے کہ فواد خان آج کل بھارت میں اپنی نئی آنے والی فلم کپور اینڈ سنز کی تشہیر میں مصروف جس میں ان کے ساتھ سدھارتھ ملہوترا اور عالیہ بھٹ اداکاری کے جوہر دکھارہی ہیں۔