لاہور دہشت گردی کا بڑا منصوبہ ناکام 3 دہشتگرد گرفتار

دہشتگردوں کے قبضے سے بڑی تعداد میں اسلحہ، دستی بم اور بارودی برآمد ہوا ہے. فوٹو: اے ایف پی، فائل

---

پولیس نے تین دہشتگردوں کو گرفتار کرکے دہشتگردی کا بڑا منصوبہ ناکام بنا دیا ۔

ایکسپریس نیوز کے مطابق لاہور میں ڈیفنس کے علاقے الفلاح ٹاؤن میں پولیس اور حساس اداروں نے مشترکہ کاروائی میں 3 دہشتگردوں کو گرفتار کرکے دہشتگردی کا بڑ امنصوبہ ناکام بنا دیا ، دہشتگردوں کے قبضے سے بڑی تعداد میں اسلحہ، دستی بم اور بارودی مواد بھی برآمد ہوا جسے بعد ازاں بم ڈسپوزل اسکواڈ نے ناکارہ بنا کر متعلقہ تھانے ڈیفنس بی میں جمع کرادیا ۔

دہشتگردوں کو حساس اداروں نے تفتیش کے لئے نامعلوم مقام پر منتقل کردیا ہے ، پولیس ذرائع کے مطابق گرفتار دہشت گرد کچھ روز قبل ہی الفلاح ٹاؤن میں آکر چھپے تھے اور محرم الحرام کے دوران دہشتگردی کی کاروائی کی منصوبہ بندی کررہے تھے۔