بہت سی مشکلیں اب ختم ہو گئی ہیں جلد پارٹی کو متحرک کرونگا پرویزمشرف

دبئی جاتے ہوئے مشرف دوران سفرانتہائی پرسکون رہے،ٹی شرٹ پہنی،دبئی ایئرپورٹ کے وی آئی پی گیٹ سے باہر نکلے

INP/عبد الرحمٰن رضا March 19, 2016

4گاڑیوں کے قافلے میں رہائش گاہ پہنچایاگیا،ڈاکٹری معائنے کے بعدامریکاجانے یانہ جانے کافیصلہ کیا جائیگا، مشرف نے پارٹی اجلاس نہیں بلایا، ڈاکٹرامجد - فوٹو: فائل

دبئی ایئرپورٹ پر ان کے استقبال کے لیے کارکنوں کی بڑی تعداد موجود تھی لیکن پرویز مشرف رائل ایئرپورٹ پر بغیرکسی سے ملے سیدھے اپنی رہائش گاہ روانہ ہوگئے۔

برج الخلیفہ کے قریب واقعے رہائش گاہ پرشام 5 بجے آل پاکستان مسلم لیگ کے عہدیداران ان سے ملاقات کے لیے پہنچے جن میں صدر یو اے ای راجا شوکت حیات، سینئرنائب صدر آصف کریم، طارق قمر اور دیگر شامل تھے، ملاقات میں ڈاکٹر امجد بھی موجود تھے اس موقع پر خطاب کرتے ہوئے سابق صدر پرویز مشرف نے کہا کہ جیسے ہی میری صحت ٹھیک ہوگی میں اپنی جماعت کو فرنٹ لائن پر آکر متحرک کروں گا، اب بہت سے مشکلیں ختم ہوگئی ہیں۔

علاوہ ازیں ڈاکٹروں نے پرویز مشرف کا ان کی رہائش گاہ پر ہی طبی معائنہ کیا، ملاقات کیلیے آنے والوں کو بھی سیکیورٹی کلیئرنس کے بعد اجازت دی گئی، آئی این پی کے مطابقسابق صدر پرویز مشرف کو علاج کیلیے دبئی پہنچنے پر4 گاڑیوں پرمشتمل قافلے اورسخت سیکیورٹی میںرہائش گاہ پہنچایاگیا۔ وہ دبئی ایئرپورٹ کے وی آئی پی گیٹ سے باہر نکلے، دوران سفرسابق صدر انتہائی پرسکون تھے اورانھوںنے ٹی شرٹ پہن رکھی تھی۔

دبئی میں ڈاکٹروںکی خصوصی ٹیم ان کاطبی معائنہ کرے گی جس کے بعدعلاج کے لیے امریکاروانگی کا فیصلہ کیاجائے گا۔ واضح رہے کہ آئین شکنی کے مقدمے کی سماعت کرنیوالی خصوصی عدالت نے پرویزمشرف کو31 مارچ کوعدالت میںحاضرہونے کاحکم دے رکھاہے۔ دوسری جانب آل پاکستان مسلم لیگ کے سیکریٹری جنرل ڈاکٹرامجد نے پرویزمشرف کے دبئی میںپارٹی اجلاس طلب کرنے کی خبروں کی تردیدکر تے ہوئے وضاحت کی ہے کہ پارٹی رہنمااورسابق صدرکے چاہنے والے ان کی رہائش گاہ پرملنے آئے تھے، یہ پارٹی اجلاس نہیں تھا، اعتزازاحسن سابق صدر کے حوالے سے جھوٹاپروپیگنڈاکر رہے ہیں۔

انھوں نے کہا کہ پرویزمشرف نے کسی سے بھی کوئی معاہدہ نہیں کیا، علاج مکمل ہوتے ہی وہ وطن واپس آجائیں گے۔ اعتزازاحسن بتائیں آصف زرداری وطن کیوںنہیں آتے؟۔ انھوں نے کہاکہ پرویزمشرف کوغدارقراردینے والے اعتزازاحسن ان فہرستوں کے بارے میں عوام کوبتائیں جوانھوں نے بھارت کو فراہم کرکے ملکی مفادکونقصان پہنچاکرقوم سے غداری کی تھی۔ اعتزازاحسن کاآصف زرداری کی کرپشن کے بارے میں کیاخیال ہے؟۔