پاکستان کا یوم آزادی بھارتی یونیورسٹی کی اہم دنوں کی فہرست میں شامل

خبر سامنے آنے کے بعدمختلف حلقوں کی جانب سے یونیورسٹی انتظامیہ کے خلاف کارروائی کا مطالبہ کیا جا رہا ہے، بھارتی میڈیا:فوٹو : فائل

---

بھارتی ریاست مدھیہ پردیش کی اہم ڈاکٹر ہری سنگھ گوریونیورسٹی نے پاکستان کے یوم آزادی کو اہم دن کی فہرست میں شامل کرلیا۔

بھارتی میڈیا کے مطابق ساگر شہر میں واقع ڈاکٹر ہری سنگھ گور یونیورسٹی کے 2016 کے اہم دنوں کی فہرست میں 14 اگست بھی شامل ہے۔ دلچسپ بات یہ ہے کہ14 اگست کو پاکستان کے یوم آزادی کی مناسبت سے ہی اہم دن قرار دیا گیاہے۔ بھارتی میڈیا پر خبر سامنے آنے کے بعدمختلف حلقوں کی جانب سے یونیورسٹی انتظامیہ کے خلاف کارروائی کا مطالبہ کیا جا رہا ہے۔