پاک بھارت میچ کے دوران مقامی تماشائیوں کا رویہ یکسر تبدیل

پاکستانی بلے بازوں کے اسٹروکس پر بھارتی تماشائیوں کو سانپ سونگ جاتے اور ڈاٹ بالز پر تالیاں بجائی جاتیں۔فوٹو؛ فائل

---

ورلڈ ٹوئنٹی 20میچ میں پاک بھارت میچ کے دوران مقامی تماشائیوں کا رویہ یکسر تبدیل ہوگیا۔

کولکتہ میں ہی بنگلہ دیش کیخلاف مقابلے میں گرین شرٹس کو اچھے اسٹروکس پر بھرپور داد ملتی رہی تاہم شرجیل خان نے گذشتہ روز پہلا چوکا لگایا تو اسٹیڈیم میں موجود افراد کو سانپ سونگھ گیا، بعد میں بھی یہ سلسلہ جاری رہا، دوسری جانب میزبان بولرز کی ہر ڈاٹ بال پر بھی تالیاں بجائی جاتی رہیں۔