ٹی ٹوئنٹی ورلڈ کپ میں آج 2 میچز ہوں گے

پہلا مقابلہ جنوبی افریقا اور افغانستان کا ہو گا جب کہ سری لنکا اور ویسٹ انڈیز دوسرے میچ میں آمنے سامنے ہوں گی۔ فوٹو: فائل

---

بھارت میں جاری ٹی ٹوئنٹی ورلڈ کپ میں آج 2 میچز کھیلے جائیں گے۔

ٹی ٹوئنٹی ورلڈ کپ میں آج پہلا میچ جنوبی افریقا اور افغانستان کی ٹیموں کے مابین کھیلا جائے گا۔ دونوں ٹیمیں ممبئی کے واکھنڈے کرکٹ اسٹیڈیم میں مد مقابل ہوں گی۔

جنوبی افریقا اور افغانستان کی ٹیمیں اپنے پہلے پہلے میچز ہار چکی ہیں۔ جنوبی افریقا کو انگلینڈ کے ہاتھوں شکست کا سامنا کرنا پڑا تھا جب کہ افغانستان نے سری لنکا کے ہاتھوں شکست کھائی تھی۔ پاکستانی وقت کے مطابق میچ دوپہر ڈھائی بجے شروع ہوگا۔

دوسرے میچ میں سری لنکا اور ویسٹ انڈیز کی ٹیمیں بنگلور کے ایم چنا سوامی اسٹیڈیم میں ایک دوسرے سے ٹکرائیں گی۔ دونوں ٹیمیں اپنے ابتدائی میچز میں کامیابی حاصل کر چکی ہیں۔ سری لنکا نے افغانستان کو جب کہ ویسٹ انڈیز نے انگلینڈ کو شکست دی تھی۔ پاکستانی وقت کے مطابق میچ شام 7 بجے شروع ہو گا۔