ورلڈٹور فائنلز ڈیل پوٹرو نے فیڈرر کی فتوحات کو بریک لگا دیا

مقابلے میں ہارنے کے بعد فیڈرر کی سیزن کے اختتامی ایونٹ میں لگاتار12 فتوحات کو بریک لگا دیا۔ فوٹو : اے ایف پی

---

KARACHI: ورلڈ ٹور فائنلز میں ارجنٹائن کے یوآن مارٹن ڈیل پوٹرو سوئس اسٹار راجرفیڈررکیخلاف 7-6(7/3)،4-6 اور 6-3 سے فتح کی بدولت فائنل فور میں شامل ہوگئے۔

فیڈرر پہلے ہی اس مقام تک پہنچ چکے تھے، البتہ اس شکست نے ان کی سیزن کے اختتامی ایونٹ میں لگاتار12 فتوحات کو بریک لگا دیا۔ برطانوی اسٹار اینڈی مرے نے جوئے ولفریڈ سونگا کو 6-2،7-6(7/3) سے ٹھکانے لگاکر فائنل فور میں نشست حاصل کرلی۔دوسری جانب بھارتی ٹینس پلیئر لینڈر پیس اور جمہوریہ چیک کے راڈک اسٹیپنک نے ٹاپ سیڈ برائن برادرز کو حیران کن طور پر شکست دے کر ڈبلز سیمی فائنل میں جگہ بنالی، باب اور مائیک کیخلاف ان کی فتح کا اسکور6-4،6-7(6/8) اور 10-7 رہا، اس فتح کی بدولت انھیں گروپ ' اے ' میں ٹاپ پوزیشن ملی، فائنل میں رسائی کیلیے انھیں دیگردو بھارتی پلیئرز مہیش بھوپاتی اور روہن بوپنا کا چیلنج درپیش ہوگا۔